Ila-ila

Ang tanan nagasugod gayud sa ilhanay. Diba, kaniadto tong mga puya pa ta. Perti! Halos tanan gusto magpaila-ila sa imo. Tanan mutan-aw sa imo sa kuna...gangirit tanan! Apilan pag, "Hilo bibi!" Pasta gyung tam-isa sa tingsi. Sundan pa gyud na ug, "Kaila ka sa ako, Tita ni... Ttttiiiitttttaaaaa..."Bayet! Di pa man gani ko kabalo mousap, mo-mama pa kaya... hahaha... Aw, ngisi nalang pud tawon ko aron ingnon nakasabot ko! Hhhmmm... Hulat! layo-a na nako oi... Dili man ni storya sa puya! Aw.. Balik ta sa ila-ila... Ako si Miss Barriga. "Bata"n-on (way sambitay'g panuigon...hehehe...). Bag-o ra ko nahuman ug iskwela-iskwela, katong niaging Marso ra. Human, plano unta nako magistambay ra sa balay, unya kay murag kalinturahon man kog akong tiil magsige rag pilit sa salog. Gisulayan nako aron mawagtang akong pagkamapakisayron... AAhhhh... Di makaya oi! Akong tiil pa...possessed ni pirminti! Mapasalamaton ko kay ang Ateneo mismo ang nangalag sa ako... "We need you" Anah?! Aw, lami kaayo tubagon... "I need you too" kaso murag luod man... unsa na uyab-uyab. Hahaha... Sa dihang, nahinaykan na man gyud ni... Patulan nalang! Asa pa ka mangita... Dala dayon kog resume, unya ligdong kaayog kog barog atong mga panahuna...hilabina sa pakighisgot nako sa mga "dagkong tae" (ngeh, sorry sa nagkaon...whahaha...akong handurawan miandar na pud..tabangan!) English2 pud kog taman... Halos ako nang balibalihon ug tuwad-tuwaron akong nabiling pulong sa English! litson! Hasta biya jud nako ka bisayang daku (ug niingon pa ka!) Human, "teaching demo"... Kahilakon ko oi, naadto pa jud ko didto sa mga hasta kabuluyagong mga tinun-an ni Kristo. Nagpangapa nako ug pagpatin-aw kung unsa ang "theme" kaso murag wa man gyuy ka "theme-theme" ilang salabutan oi... Hala sige, ngirit nalang Miss Barriga! Whew! Nahuman ra pud kaluy-an sa Lord. Unya, gipanaog ko... "Welcome to Ateneo!" Pirfict! Nadawat ko?! Hahaha... Murag atik pero pailad nalang ko...

Ug diri magsugod akong sugilanon pagka-maistra. Anhi mismo sa usa ka dakong Unibersidad kung aha ang mga nag-usap ug bulawan nangiskwila! Humanda mo?! Nia na ko!!! Wahahaha...

PS. English teacher diay ko sa malas nga mga 2nd year... Wahahaha...