Kaon ug Hangin

Lisod kaayo noh makaila kag mga inggitero ug inggitera? Kay masking wa kay ginahimo naglihok ka sa kadaut! Ug ngano nagayawyaw nako diri? Ganihang buntag nangaon mi sa akong kauban sa karinderya sa kilid-kilid. Tuod gigutom mi ug mao ray among tuyo didto. Unsa pa man diay ang posible nimong himoon sa kan-anan diba? Pero ayaw ka! Kaila ka ug naa pud diay muadto ra didto aron manlibak. Aw tood nagkaon pud sila, nagkaon ug storya. Makasabot ra unta ka kung mga wa silay iniskwilahan. Kaila kag maistra ug maistro pud sila sama namo? Wa ko nagtoo nga ang mga tawo unta na hinangaran sa katawhan sa ilang natun-an sa skwelahan ug sa ilang mga tinudluan mosugat sa imo ug greet, "Good Morning Virgins!" Nilingi ko sa likod kay basin naay assumption na nahitabo sa among likod. Apan wa may kinunsaran ug ispirito santo sa among likod na angayan sugaton ug samang pagbati. Kami diay! Nihilom nalang mi ug nicomment ug pasiaw. Below the belt man toh SIR, MAAM! Sila nagngirit lang ug tan-aw sa amo dala comment2 ug mga way pulos nga butang. Ug ngano nag-in-ana sila? Sala ba namo kung taas gyud ang tinan-awan sa uban sa among ginatudlo? Sala ba namo nga kami ra gyud inyong mahuna-hunaan ug istorya? Wa ko nagdahum in-ana sila kababaw. Ako'y nalooy.