Quiizzzz

Sa una tong estudyante pa ko, abi nako lami kaayo ang kinabuhi sa maistra. Alangan murag, kaayo ra nilag lingkod-lingkod maghatag ug quiz na hasta kalisod. Pistol! Unya, storya-storya ra sa atubangan. Pasunggo-sungguhon pa gyud ka datz! Kasaba-kasaba ra. Hayahay! Kami tawon na istudyante, nagsige nalang ug inistudy! Way kahumanan. Labi na ning, naa ta sa honor's class, uwaw kaayo ug ang tanan nagduko-duko kulang nalang kaonon ang libro unya ang imong mata naglurat sa kawad-on. Good luck sa magparayna'g itlog noh ikahuman sa quiz. Pagtoo jud nako. Perti kabulahan aning mga maistra. Karon na na maistra nako, ug karon gani naghimo ko ug exam sa mga turagsoy...DILI in-ana kadali. Kung nagtoo mo na hasta kadali muhatag ug quiz, exam? Atika nalang imong lolo, kaw di gyud tiaw magsunod sa saktong pamaagi sa pagmugna ug saktong pangutana nga muhaom sa pangutok sa imong istudyante. Kada exam, mangandam gyud mi anah og TOS (table of specification) aron masigurado nga wa ra mi nangutana og pang-Grade1 na question, apil pang-Grade 6 pud, pang-High School ug pang-College. Sa simpleng pinulungan, pasaka sa hut-ong sa panghuna-huna. Imo pa gyud nang tarongon pagmugna ang pangutana sa paaging masabtan masking sa mga puya. Pastilan! Di pwede ang double meaning sama sa mga kanta nila Andrew E. - dakung X na bai! Hahaha... Pero tood kung mapungot na gani ang maistra, diri ra gyud ta magbinawiay. Hehhehe... Maong palangga ninyo inyong magtutudlo kung di mo gusto sabwagan ug makakuryenteng QQuuiizzzz... Hahaha...