Ang Pagpalayo

Tuig na pud nga wa ko nahiagi diring dapita. Ug nahigmata pud ko nga angay ug sakto ra pud na mubalik ko sa akong tambayanan anhing bahina sa kalibutan kung asa ako gayud na mapangalandakan na usa ko kamaistra, GO Miss Barriga! Nganong wa naman pud daw ka kaagi-agi diri Ma'am? Namatikdan nako na sa kapuno sa kasingkasing, hubas ang pulong na malitok sa baba. Mao gayud kini ang nahitabo sa ako sa mga niaging adlaw nga wa ko kapasundayag sa akong mga kaagi.Sugod atong adlaw na nagreklamo ko sa akong sakop na si Loloy. Kay ambut sa langaw nganong sa tanang tawo, pede man unta laing istudyante, laing magtutudlo, o kinsa ba kaha diha ang pwede binuangan, nganong AKO man gyud. Inahan sa Kanunayng Panabang! Sagdi lang kay aduna na koy plano aron mabasyahan na gayud ug bugnawng tubig ang nagbukal na dugo ni Loloy. Humanda ka dotz! Hmp... Padayon ta noh, okie ra na Ma'am. Uhm, human atong panghitabo-a hasta na kabililhon sa panahon. Murag halos dili nako kapalit. Kaila kag naa pa koy nagtapun-og na papel na checkanan, 2 sets of compo na wa pa nako mahuman-human ug basa, lesson plan na mugnaonon pa ug grado nga lutuonon... BAYET!!! asa ko mamunit ug laki Lord? AW, hahaha... unsa daw?... Hai ambot, anyway, intramurals after exams, apan wa gyud ko kakitag bola atong mga panahuna. Kay unsaon tawon nakigsandugo pa ko sa mga papel sa akong mga istudyante... Liman ka? Hapak-hapakon lang kag atsa sa way kalooy. Aw kinsay malipay nga maistra! Huhuhu... Hala cge, padayon sa pag-uswag ma'am. Sa tulo ka-adlaw na nakigsangka ko sa akong pula nga bolpen, akong nahunahunaan, na ako sa kahang hunungan ang tanan. Ugma damlag, retreat na namo. Retreat sa bisaya pagpalayo ug tood layo-layo gyud mi magretreat--sa Malaybalay Bukidnon. Corrected by! Hahaha... So, HUNONG NA!!! magimpake pa akong beauty. Hulat! Daghan pa kog kulang...so shopping sa tag drama Ma'am. Kuyog akong higala nga si Joanna (rhyme kaayo oi...murag Grade 1) nangadto mi sa SM ug Mall. Nangita mig kaayuhan na angay namong bitbiton pa bukid. Human, tadaaaa... Impake galore tah!!! Sa naandan, lisud alang kanako ang maghuna-huna unsay angayang ibilin o dal-on. Kung pede lang lagi dal-on pati lababo, why not? hahaha... Maong katong gabhiona, nagsige gyud kog hinuktok unsa sa akong mga pinanggang bahandi ang maka-avail sa travel. Kaluy-an sa Ginoo, nahuman ra pud. Ug ang akoang bag, hasta ka burot murag.... tooooot... oist, unsa man na inyong gihuna-huna.. hehehe... aw tanawa nalang ni ->Baggage-> kit-an na nimo? kana ra oi... unsaon nalang ang poise mader! Hahaha... Yihee... Ugma na gyud... So Beauty Rest akong drama... aw ambot lang kay 12am naman toh... makagwapa pa kaha to oh basin lain na ang epekto...

Moving on, nitingog ang pinakaimportanteng alarm. Ligo dayun si Ma'am. Lugod galore, limpyog kuku gyud. Overhaul pagkaligo oi...kay wala lang, gusto lang ko magpagwapa, for the effort ra gud oi, kay sa dihang di naman siguro matabang ning dagwaya. Hahaha... Human, nagpahatud ko sa akong igsoon. Bukidnon here I come. Punch in dayon. Human, saka sa bus. Weee... Road trip. Kani gyud akong pinakaganahan sa tanan. Kanang tan-aw tan-aw sa window sa bus, munimuni dayon, murag true. EMO-d Mode kaayo ug drama... Hahaha... So, kato. For 4 hours, in-ana... korona sa drama queen ang nakapatong sa akong ulo. Hilom kaayo. Way storya2. iPod ray saba... Unya tugtugan pa gyud ka ug mga kantang makapahinumdum sa imong mga pait nga kaagi! Pastilan, crayola man pud ta ani oi... Zimbabwe dai oi, retreat biya... Aw cge. Sa pagtulod sa Espiritu Santo, nakaabot mi. Pagsaka sa Benidictine Retreat House. HAYOP! Nasa Baguio ba ako mga friends? Lami kaayo ang hikap sa hangin ug kabugnaw sa akong mg aping. Kini na gyud! Ah LOVE IT! Yahhooo... Ug sa tulo ka-adlaw, nahimo gayud nga mabungahon among retreat. Nagtan-aw mi ug movie, "I not stupid, too" Singaporean movie... Nairog akong EGO bai! Lami ang kaon. Unlimited ang kape. Daghan pa gyud mga panahon na nakaheart-to-heart talk gyud mi ni Jo. Lami kaayo akon paminaw. Nisaka pa gyud mi sa hilom nga puluy-anan sa mga mongha kung aha ang bukid usa ra ka ordinaryong talan-awon atong dapita. Pero sa tanan, ang kahilum gyud ang nakapangasaba sa akong kinaiyahan. Akong naamguhan, na hasta gyud kasaba sa kinabuhi ug daghang mga butang sa akong kaugalingon ang wa na nako madunggi sukad-sukad. Bintaha gyud nga makapalayo, aron mahatagan nimo ug panahon ug lugar imong kaugalingon. Nakahimamat pud ko ug mga tawo didto. Lami kaayo ang akong kasinatian. Ug tiawtiaw na gyud kung ako ning malimtan. Sa tanang akong napamalandungan, isa ang sigurado gyud ko. Sugod nagtudlo ko sa Ateneo, anha ra nako naamguhan na sakto kaayo akong kurso na gikuha ug mao kini ang gusto nako mahitabo sa akong kinabuhi. :D

English Version: www.glasssoul.blogspot.com