Grinadong Kakapoy

Nahuman na gyud nako ang ikaduhang hut-ong sa grinaduhanay. Ug tuod, namatikdan nako nga mas nagkakapoy man tawon ang paghatag ug marka oi... Dili lang pa gyud xa sakit sa likod ug buko-buko apil imong dughan (dili boobs) akong pasabot pagbati. Kay ikaw ba naman tionan ug hastang daghanang atsa, guna, sanggot ug uban pa, malipay ka? Maayog mangdadaro ko? Maistra biya ko! Pastilan, tabangan. Aw ako imbis ordinaryo ra man unta na tawo, nahimong lastik man kalit. Ngano? Perting binat-binat sa grado. Kaluy-an sa Lord nahuman ra pud biya. Atong niaging minarkahay, baynte cuatro (24) akong gihagbong. Karon pila? Nagkidlap-kidlap na KINSE (15) nalang! Yehey! 1st class - 9 ka maayong tao, sa ikaduha - 3 ka buok ug sa ikatulo nako na klase, 3 pud! Hehehe... Mangtas! Aw, ako ba diay nagbuhat anang mga graduha... Apan, ako na pung gikabalak-an ang pakig-atubang na pud ani sa mga ginikanan. Aw wa man ko nahadla sa ilang kaisog, ang ako lang KAPOY! Duh... Aw anah gani ko, teacher ko! Ahuhuhu... Karon, nia na pud ko atubangan sa PC, himo ug Lesson Plan. Ugma, klase na pud. Aw sabagay, gimingaw na pud biya ko sa akong mga istudyante. Hahaha... Lami kaayo mambully na pud. Hahaha...